إعلانات  Google Shopping وكيف تفعلها لمتجرك الإلكتروني – وتراها من أقوى المنصات الإعلانية الموجودة حاليا وأفضلها في الترويج لمنتجاتك في المتجر

خلونا نشرحها بشكل مبسط وش هي Google Shopping ؟ هي منصة اعلانية تبع Google Ads تقدر تعرض فيها منتجات متجرك بشكل مباشر اثناء البحث عنها في قوقل (صورة بالأسفل للتوضيح):

 

كيف أقدر استفيد منها؟

بداية لازم تسجل في Google Merchant Store وتبدأ بعملية توثيق متجرك وموقعك الإلكتروني وتتأكد من شروطهم مثل تواجد سياسة الخصوصية وسياسية الإستبدال والإسترجاع على متجرك الإلكتروني + واضحة وسهلة الوصول للزوار – اهم انتبه لازم تنتبه لها لانه قوقل جدا حريصين على هالشئ ولو ماسويتهم ممكن يجيك ايقاف مؤقت مع تحذير – رابط Google Merchent Store

بعد توثيق حسابك في Google Merchant Store تبدأ في اضافة منتجاتك عن طريق Products وثم اضافة منتج Add a product ولابد ان تتأكد من تطابق معلومات المنتج والشحن والسعر والمواصفات على متجرك مع متجرك الإلكتروني والا سيتم رفض عرضه على قوقل.

ملاحظة: لوعندك منتجات كثيرة تضيفها مرة واحدة عن طريق ملف اكسل عن طريق Feeds (صورة توضيحية بالأسفل):

 

بعد اضافة المنتجات تنتظر كم يوم حتى تتحول الى Active بالأخضر في داشبورد Google Merchant Store وهنا يعني ان امورك ماشية بالسليم الحمدلله وماعليك الا انك تقرأ وتكمل بالأسفل للخطوة الثانية حتى يطلع منتج بشكل صحيح على Google

بعد ماتمت الموافقة على منتجاتك ولله الحمد تبدأ الأن تتجه الى منصة Google Ads واضافة اعلان جديد كالعادة ولكن تقوم باختيار صيغة إعلان Shopping.

وأول ماتتم الموافقة راح تظهر المنتجات للعملاء في قوقل أثناء عملية البحث (ملاحظة: قوقل في البداية يحتاج يتعلم لمين يطلع المنتج وراح تاخذ هالعملية تقريبا مابين 7 الى 14 يوم فلا تستعجل على النتائج وتابع يوميا الـ Search Terms واستبعد أي كلمات ماتستهدف الجمهور اللي تبغاه).

وصراحة أقوى ميزة في Google Shopping هي ان العملاء اللي تستهدفهم تبحث عن المنتج فعلا وقريبة من عملية الشراء على عكس المنصات الاعلانية الأخرى اللي تحاول تسحبهم لمتجرك Outound Marketing وهو ماعنده أي نية شرائية وغالبا يكون صعب جدا تحويلهم لعملاء.

تذكير اخير ايضا المنصة تحتاج الى تحسين شبه يومي على الإعلانات والمنتجات – فأهم نقطة انك تتابع اداء الإعلان يوم بيوم وتركز على الـ CTR + عدد العملاء اللي اضافو للسلة + عدد المشتريات او التحويلات Conversion. ولو إحتحت مساعدة بإمكانك تتواصل معنا وراح نجهز لك المنصة مع متجرك بشكل كامل لك ونضيف لك المنتجات ونفعلها لك ونتأكد من انها شغالة 100% ونتابع اداءها.

مع التحية وانتظرونا في شرح فيديو أفضل لطريقة الإعلان بإذن الله قريبا